HABA PEUINGAT

Tanyoe syedara udep lam rantoe
Ta reugam jaroe peu saboh haba
Asoe agama ta beut beu saheh
Mangat peubereh hukom nyang kana


Bek le ta keumit dum asoe lumpoe
Agam ngoen putroe syetan di-daya
Belajar beusunggoh ujian ka toe
Bek gadoh laloe ngoen peugah haba

Tanyoe di sinoe aduen ngoen adek
Bek le meu asek laju meubaca
Niet tanyoe awai bek le ta balek
Puebuet be na ek beu na kuasa

Wareh di nanggroe harap ngon bimbang
Bagah diriwang aneuk di luwa
Jeut peunawa watee aneuk woe
Marwah bangsa nyoe beujeut dipuja